Düşüncələr
Sadə bir şairəm, sözüm, söhbətim.Könül dəftərimin varağındadır.Toyumun, yasımın əski əzəldənAyna Xəzərimin qucağındadır.
Nələr görməmişəm ömrümdə, nələr,Lalətək qızaran odlu sinələr...Qanlı vuruşmalar, qanlı səhnələrHələ gözlərimin qabağındadır.
Bilirəm dünyada vətənsiz heçəm,Mən gərək yolunda canımdan keçəm.Günəşli gündüzüm, işıqlı gecəm,Canıma can verən torpağındadır.
Dönüb gülüstana ana yurdumuz,Məşələ çevrilib ürək odumuz.Vətən keşikçisi qələm ordumuz,Sabirlər, Cəfərlər ocağındadır.
Çoxdandır ağardıb başımı illər,Bilsin dünyamıza gələn nəsillər –Əkdiyim ağaclar, əkdiyim güllərVətən torpağında, el bağındadır.
Tutdu sağ əlimdən zamanın əli.Şerimin bülbülü o vaxtdan, bəli,Talış meşəsində Babək gövdəliDəmir ağacının budağındadır.
Pəhləvan babamın, sözümün düzü,Yerə dəyməyibdir aynalı dizi.Palıd ayağının silinməz iziKim bilir, bəlkə də Şahdağındadır!
Alqış təbiətin sirrinə, alqış,Halımı pozmayır nə qar, nə yağış.Gözüm Savalanın başında – yaz, qış –Babəkin ağaran papağındadır.
Məni qınamayın xəyala dalsam,Ötən günlərimi yadıma salsam.Vətəndə, qürbətdə, hər yerdə olsam,Ürəyimsə Araz qırağındadır.
İllərdir məhəbbət yuvalı könlüm,Hicranla üz-üzə davalı könlüm,Vüsal həsrətilə havalı könlüm,O taylı dilbərin sorağındadır.
Yenə gözlərimin qaçıb yuxusu,Şairçin, əlbəttə, təbiidir bu.Vətən çöllərinin çiçək qoxusuCüyürün, ceyranın dırnağındadır.
Mənəmlik könlümün deyil gərəyiŞeirdir, mahnıdır onun bəzəyi.Ürək sözlərimin gözəl-göyçəyiQardaş millətlərin dodağındadır.
Yox, yox qocalmıram, bu mən, bü güzgü,Mənə həyat verir həyatın yükü,İgid Koroğlunun zəfər üzüyüOğlumun qabarlı barmağındadır.
Yaxşı tanıyıram mən dostu, yadı,Nəslimdə naxələf görən olmadı.Nəbinin yoldaşı Həcərin adıSevimli qızımın qolbağındadır.
Burda əbədidir şerin baharı,Şair millətimin fəxri, vüqarı,Böyük Nizaminin əziz məzarıUzaqlarda deyil, bu yaxındadır.
Könül, bu şəhərdən de, kim köç elər?!Qaranlıq görməyib burda küçələr.Şair gözlərimin nuru gecələrEvlərin sönməyən çırağındadır...
Kitabxana.az · https://kitabxana.az/works/suleyman-rustem-dusunceler
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
Sən nəzərdən salmasaydın, ey hilaləbru, məni,Dami-eşqə bunca salmazdı yetən məhru məni.
Əladır üzün tər-təzəcə güllərdənXəttin, qırışın Xəllüx ilə Bərbərdən.
Pünhan həmən Pünhandı daHeç məəttəl qalma gəl, dövran həmən dövrandı da,Adəmi yoldan edən şeytan həmən şeytandı da.
GözlərinGülzar Xotəndir dövreyi-zülfün,Çərayə durubdur ahu gözlərin,