Keçdiyim yol
Qaranlıq, işıqlı yollardan keçmişəm,Hər günü eşqimlə vurmuşam başa mən.Bu yolu qəlbimin gözüylə seçmişəm,Min gözəl arzuyla dolmuşam yaşa mən.
İnsana həmişə gərəkdir, gərəkdir,Diləklər, diləklər.Mahnıma bəzəkdir, şerimə ürəkdir –Ürəklər, ürəklər.
Yadımdan çıxmayıb anamın laylası,Atamın sindanı dindirən çəkici.Döyülən dəmirlər, mahnımın mayası –Şirağız ocağın qızaran kərpici.
Çətindi dövranı dəyişmək beş günə,Gül, çiçək görmədi beşiyim, çarpayım.
Səadət naminə, azadlıq eşqinəGüllələr altında çalındı laylayım.
Hələ də dillənir dünənki şəhidlərQəlbimdə alovu sönməyən ağrımda.Əzizdən əziztək yaşayır igidlər,Bağrımda, bağrımda.
Deyirəm sinəmdə yaralar görməyim,Yollarda, yollarda.Deyirəm bir daha qaralar görməyimQollarda, qollarda.
Bakımız, Şamaxı, Naxçıvan, Qarabağ...Tarixə bu adla yazılıb şöhrətim.Necə fəxr etməyim, həmişə üzüağ,Məclislər başında əyləşir millətim.
Çox gözəl bilirəm, qəlbimdə bircə anBu odu sönməyən məhəbbət nədəndir!Həyatım, varlığım, hər zaman, hər zaman –Vətəndir, vətəndir, vətəndir, vətəndir!
Kitabxana.az · https://kitabxana.az/works/suleyman-rustem-kecdiyim-yol
← → düymələri ilə keçid, R — təsadüfi şeir
Müəllifin digər əsərləri
Təbriz! Dərya kimi dalğalan, çağla,Bu elə qəhrəman bir rəhbər gəlir.
ZindanHeyhat! Necə dözsün buna insan:Vur, vur ki, yıxılsın təməlindən
Dilbərin gəlinlik eviDilbər totuqca qızdı, onu verdilər ərə –Aclıqdan ölməsin deyə dövlətli bir yerə.
Təbriz zindanındaZindanda, ah sataşdı gözüm xəstə bir qıza,Dillən! – dedim, o bəxti qara, sönmüş ulduza.
Başqa şairlərin şeirləri · Vətən
Mən bilməz idim bəxtdə bu nikbət olurmuş,İzzət dönüb axır belə bir zillət olurmuş,
Gəncənin qırğınıEy qazilər, gəldi qəzadan bəla,Bir olmaz müsibət dövran eylədi,
Ey xaslara fitnə, el üçün bir afətGöylər də günəş üzünə eylər heyrət.
Muğanda quraqlıqI**Muğanda düşdü quraqlıq, çayır, çəmən yandı,