Mənalı keçərsə məclisdə söhbət,Plov nəyə lazım, aş nəyə lazım?“Ağzıgöyçək”lərin yanında çalışEtmə öz sirrini faş, nəyə lazım?

O kəs ki, Vətənə könül verməyib,Bir gül becərməyib, bir gül dərməyib,Fitnədən, fəsaddan üz döndərməyibQəbrinin üstündə daş nəyə lazım?

Badəni əlindən yerə qoymayan,Tərifdən, şöhrətdən gözü doymayan,Vətəni duymayan, eli duymayanÜrəksiz adama baş nəyə lazım?!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən