Başına döndüyüm alagöz Pəri,Öz-özünə qeyri halman oynar.Cəvahir mətahı, dür xiridarı,Tutubdu dəstində, ləlinən oynar.

Sənsiz görüm xarab qalsın bu bağı,Şeyda bülbül nə zövq eylər, nə zağı,Zülfü dal gərdəndə açıb məzağı,Ağ üzü münəvvər, xalınan oynar.

Ay Abbas, Pərinin bəzi işləri,Yorğun maral kimi xoş baxışları,İncidən, sədəfdən, dürdən dişləri,Ağzı süd, dodağı balınan oynar.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri