Hər kəs mağazinlərdə ki xidmətdədir, oğlum,Beş gün olarin canları rahətdədir, oğlum!

Alverdə adam var ki, onun öz başı vardır,Yığmış başına hər nə qohum-qardaşı vardır,Minlərcə hər ayda kişinin daşbaşı vardır,Vecsiz bir adam gör nə səadətdədir, oğlum!

Vardır birisi, indi bu sistemdə rəisdir,Qaçmış neçə yerdən, görüb orda işi pisdir.Dövlət malına gözləri olduqca hərisdir,Pul-pul ki deyirlər, o, – ticarətdədir, oğlum!

Pudlarla alıb xırda çörək bəzi şatırlar,Bir az-maz onun böyrünə ağ un da qatırlar,Bəzən bişirirlər, onu xəlvətcə satırlar,Gör indi çörəkxana nə halətdədir, oğlum!

Az-maz tanışıq biz də belə “alver” işiylə,Faktura rəisin verilir göstərişiylə.Çoxdur bu sayaq müştəriyə işlədən hiylə,Bax onlara, sən gör nə xəcalətdədir, oğlum!

Gəzsən mağazinlərdə bular kimləri çoxdur,Bir xeyli müəllim, hələ var bir neçə doktor.Zənn etmə, bunun axırı bir əngəli yoxdur,Hər kim ki bu sistemdə “şərafətdədir”, oğlum,Bir gün görəcəksən ki, qiyamətdədir, oğlum!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Satira