Ləbin şövqilə, ey gül, maili-cami-şərab oldum
Ləbin şövqilə, ey gül, maili-cami-şərab oldum,Olub məsti-meyi-eşqin, əcəb xanəxərab oldum!
Deyildim vaqifi-ayati-qüdrət, şahim, ondan kim,Bihəmdillah, görüb xəttü ruxin əhli-kitab oldum.
Çəkib tiğin dəmadəm, tökmə qanım qəhr ilə, rəhm et,Yetər bunca mən öz qanimlə, ey zalım, xizab oldum.
Nə öldüm qutardım birdəfəlik ənduhi-hicrindən,Nə də bir öylə cami-vəslin ilə kamiyab oldum.
Deyildim dərdi-eşqinlə mükəddər kim, bu rövşəndir,Odur qəm ki, qara zülfün qəmindən piçtab oldum.
Gözüm yaşilə təskin vermədin bir ləhzə kuyində,Tutuşdum, atəşi-eşqində yandım, dilkəbab oldum.
Yetişdim cənnəti-vəslinə ol hurivəşin, Vahid,Cəhənnəmdən qurtardım, eylə bil, əhli-səvab oldum.
Kitabxana.az · https://kitabxana.az/works/vahid-lebin-sovqile-ey-gul-maili-cami-serab-oldum
← → düymələri ilə keçid, R — təsadüfi şeir
Müəllifin digər əsərləri
Gəldi çün-mahi-məhərrəm, bu müsəlman ayıdır,Müftəxor mollaların hər gecə ehsan ayıdır.
Yenə təsir eləmir...Sirkdə çox tərbiyəni verir bil insan ayıya,Yenə təsir eləmir molla Məhərrəm dayıya!
EhsanlarımızSəndən, ay Kirpi dayı, var yeni bir xahişimizSən əgər mərhəmət etsən, düzələr hər işimiz.
Savadsız xanəndələrəXanəndəsən, oğlan, avazın yaxşı avazdır,Hərçənd ki, elmin, biliyin bir qədər azdır.