Pərtov almış mehr ruyindən göy üzrə mahitab,Ol səbəb pürnur olub, üzdən götürmüşdür niqab.

Zülfüdürmü, arizin tutmuş sərasər, bilməzəm,Ya göy üzrə arizi-xurşidi tutmuşdur səhab.

Dəmbədəm ahu gözündür, qarşı durmuş çeşmilə,Bu əcəbdir, seyd səyyadindən etməz ictinab.

Hər zaman peykanların surrax eylər cismimi,Eyləməz müjganlarından zərrə cismim iztirab.

Daima, ey qönçələb, əğyarə qıldın lütfilər,Atəşi-eşqində eşq əhlini qıldın dil-kabab.

Təşnədir Vahid şərabi-eşqinə, müddətdi kim,Şərbəti-vəslindən, ey gül, onu qıl bir kamiyab.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq