Bu tarım çəkilən simlər,Bu son mizrab, bu son səs,Nəğmə uzaqda oxundu,Burda qaraldı nəfəs.

Süzüb sındıra-sındıra,Kim “Ruhani” oynadı?

Nə qoşmanın özü qaldı,Nə ustadının adı.

Seyrəl deyib, gəlmə deyib,Dağdan duman aldılarYerdən, göydən üzülüşüb,Bir simdə yurd saldılar.

İndi gəlin toy-düyünə,Əgər qalıbsa həvəs,Bu tarım çəkilən simlər,Bu son mizrab, bu son səs...

1985

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri