Bir yaz sabahının ilk əzanıydı,Süzüldü gözlərim xumarlanaraq.Xilqətin mənalı bir zamanıydı,Sular səslənirdi dalğalanaraq.

Açdım önümdəki bir pəncərəni,Adamı şiddətlə döydü küləklər.Mən seyrə dalırkən dağı, dərəni,Uzaqdan gülürdü güllər, çiçəklər.

Ağarırkən göyün siyah kəfəni,Bu gün bir coşqunluq vardı qanımda.Mən əski qəlb ilə anaraq səni,Demişdim: "Ah, Əkrəm olsan yanımda!"

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar