Boy boylamaq, söz söyləmək adətim,Qulaq asın, yasım-toyum danışsın.Neçə kökəm, neçə gövdə, neçə qol,Varaqlansın, əslim, soyum danışsın.

Yaraları köz-köz olub hoylanıb,Yenə qalxıb, əsillənib, soylanıb.Bir boyumdan neçə boylar boylanıb,Qopuz dinsin, Qorqud boyum danışsın.

Millətimi saz anladar, saz anlar,Saza baxsın tariximi yazanlar.Nə oxudu, nə söylədi ozanlar,Dağım-daşım, odum-suyum danışsın.

Tanımışam avandımı, tərsimi,Mizrab vurub dindirmişəm hər simi.Qırxlar piri necə verib dərsimi,İçim olsun oyum-oyum, danışsın.

Əngəlimiz o dərələr, o diklər,Taleyimiz Kərəm aşan gədiklər.Niyə belə gəlməz oldu igidlər?Qara sazım, qara neyim danışsın.

El ruhunda dil-dil ötən pərdə mən,Dərman oldum neçə acı dərdə mən,Nələr çəkdik göydə Allah, yerdə mən,Nur yağdıran yerim-göyüm danışsın.2003, 20 may

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri