Ərinib çağrılan yerə gəlməyən,Ozanı saymayan ozana ayıb!Beş çərək təpəni aşa bilməyən,Beş kəlmə quru söz yazana ayıb!

Dostun var gününə baxıb darılan,Dostun dar günündə gendə var olan,Yolun yarısında bezib yorulanİlqarı, ülfəti pozana ayıb!

Min kərə demişəm, təzə nə deyim,Üzdən utanmayan üzə nə deyim,Sözün canı yoxdur, sözə nə deyim?!Düz sözü əyriyə yozana ayıb!

Use ← → keys to move, R for a random poem

Random poem

More by this author

Poems by other poets