شاطر اوغلان گوروم آللاه سنه وئرسین برکت
شاطر اوغلان گوروم آللاه سنه وئرسین برکتقوی اونون یاخشی النسین ،خمیرین اللنسین
Şatır oğlan, görüm Allah sənə versin bərəkətQoy onun yaxşı ələnsin, xəmirin əllənsin
چوخ پیشیر یاخشی پیشیر گویده فیریلدات چوره گیمنبر اوسته چوره یین قوی قالانیب تللنسین
Çox bişir, yaxşı bişir, göydə fırıldat çörəyiMinbər üstə çörəyin, qoy qalanıb tellənsin
تندیرین طور تکین عرشیده ن آلسین ایشیغیارسینین بیرق احرار کیمی میللنسین
Təndirin Tur tək ərşdən alsın işığıÜrsünün bayraq əhrar kimi millənsin
کاسیبین قیسمتی یوخ یاغلی پیلوو دوشله ماغابو یاوان سنگه یی بیرقوی ساحالیب سئللنسین
Kasıbın qismətı yox yağlı pilov döşləməyəBu yavan səngəyi bir qoy sahalıb sellənsin
قیرتین قوربانی سن موشترینی تئز یولا سالائل ایچینده یاراماز آرواد اوشاغ وئللنسین
Qırtın qurbanı sən, müştərini tez yola salEl içində yaramaz arvad uşaq vellənsin
قوی ایکیریاللیغی ساتسین خوزه ئین بیر ماناتادیشی دوشموش قوجانین آغزی نه دیر دیللنسین
Qoy ikiriyallığı satsın xozeyin bir manataDişi düşmüş qocanın ağzı nədir dillənsin
او منیم شعریمه چوخ ماییل اولان وردستهدئنه: شاعیر چوره یی قوی قوروسون گوللنسین
O mənim şeirimə çox maili olan vərdəstəDenə: şair çörəyi qoy qurusun güllənsin
من لیغیرسا یئیه بیلسم ده فلوس لازیم اولاربو سوسوز باخچا نه لازیم بو قده ر بئللنسین
Mən lığırsa yeyə bilsəm də, fülus lazım olarBu susuz bağça nə lazım bu qədər bellənsin
ساری یازلیقدان اولان گوللی قیزارمیش سنگکگره ک آغزوندا اریک تک ازیلیب هللنسین
Sarı yazlıqdan olan güllü qızarmış səngəkGərək ağzında ərik tək əzilib həllənsin
تهرانین غیرتی یوخ شهریار ساخلاماغاقاچمشام تبریزه قوی یاخشی یامان بللنسین
Tehranın qeyrəti yox Şəhriyar saxlamağaQaçmışam Təbrizə, qoy yaxşı-yaman bəllənsin
باغچامیز فاسد اولوب ، هر نه اکرسن اولمازیئری داشلیقدی گره ک توپراقی غربیللنسین
Bağçamız fasid olub, hər nə əkərsən olmazYeri daşlıqdı, gərək torpağı qərbilənsin
مدعاسی چوخ اولان طبل تهی پربادوخنیله یک زورناچی نین بورنو گره ک یئلله نسین
Müddəası çox olan təbli-təhi pür badu duxNeyləyək zurnaçının burnu gərək yellənsin
بو گیجللنمه دن آی چرخ فلک سنده یورولبو حیاسیز گونه گوزلر نه قده ر زیللنسین
Bu gicəllənmədən, ay çərxi-fələk, sən də yorulBu həyasız günə gözlər nə qədər zillənsin
سعدی نین باغ گلستانی گره ک حشره قده رآلماسی سلله لنیب خرماسی زنبیللنسین
Sədinin Bağ-gülüstanı gərək həşrə qədərAlması səlləlnib xurması zənbillənsin
لعنت اول باد خزانه کی نظامی باغینینبیر یاوا گلبسرین قویمادی کاکللنسین
Lənət ol badi-xəzanə ki Nizami bağınınBir yava gülbəsrin qoymadı kakıllənsin
آرزو جلگه لرینده بیز اکن مزرعه لردئییه سن ساقه لنیب قوی هله سنبللنسین
Arzu cəlgələrində biz əkən məzrələrDeyəsən saqələnib qoy hələ sünbüllənsin
قصه چوخ قافیه یوخ آختاریرام تاپمیورامیئریدیر شهریارین طبعی ده تنبللنسین
Qissə çox, qafiyə yox, axtarıram, tapmıyoramYeridir Şəhriyarın təbi də tənbəllənsin
۱۳۳۷
1337
Kitabxana.az · https://kitabxana.az/en/works/sehriyar-turkce-seir-7
Use ← → keys to move, R for a random poem
More by this author
حیدربابا گلدیم سنی یوخلیامبیر ده یاتام قوجاغوندا یوخلیام
گذار آرد مَهِ من گاهگاه از اشتباه اینجافدای اشتباهی کآرد او را گاهگاه اینجا
علی ای همای رحمت، تو چه آیتی خدا راکه به ماسوا فکندی همه سایه هما را
به چشمک این همه مژگان به هم مزن یاراکه این دو فتنه به هم میزنند دنیا را