Ey könül, eyləmə bülbül kimi əfqan bu gecə
Ey könül, eyləmə bülbül kimi əfqan bu gecə,Sən gərəkdir, olasan gül kimi xəndan bu gecə!
Biz bu şadlıq gününü fəxrlə təbrik edirik,Göstərir aşiqə öz lütfünü canan bu gecə!
Gül üçün bülbüli-şeyda niyə fəryad eləsin,Zövqü şövqilə səfalandı gülüstan bu gecə!
Şüəra əhlnə tarixi gözəl gündür bu,Qədrilə yetdi mükafata Süleyman bu gecə!
Otuzillik – bu əziz şairə qiymət verilir,Yeri var, fəxr eləsə Azərbaycan bu gecə!
Xəlqimiz hərgiz unutmaz bu şərafətli günü,Bizə göstərdi bu xoş taleyi dövran bu gecə!
Hamının qəlbi sevinc ilə, fərəhlə doludur,Bu böyük hörmətə heyran qalır insan bu gecə!
Yaşasın elmü maarif, yaşasın sənətü şer,Güldü öz nuru ilə çöhreyi-ürfan bu gecə!
Nə olar, Vahid, əgər məclisimiz sakit ola,Oxusun bu qəzəli Zülfü ilə Xan bu gecə.
Kitabxana.az · https://kitabxana.az/en/works/vahid-ey-konul-eyleme-bulbul-kimi-efqan-bu-gece
Use ← → keys to move, R for a random poem
More by this author
Yoxsa, ey gül, yenə gülzardə hal eyləmisən?Qönçənin bağrını qan, bülbülü lal eyləmisən?
Dedim: – Ey qönçdəhan, könlümü qan eyləmisənDedim: – Ey qönçdəhan, könlümü qan eyləmisən,Dedi: – Bica yerə eşqimdə fəğan eyləmisən!
O gün də söz verib, ey mahiparə, gəlməmisənO gün də söz verib, ey mahiparə, gəlməmisən,Bu gözləməklə günüm oldu qarə, gəlməmisən.
Eşqin eləsə könlümü qan, bilməyəcəksənEşqin eləsə könlümü qan, bilməyəcəksən,Yüz dəfə desəm mətləbi qan, bilməyəcəksən!
Poems by other poets · Love
Bu gün bir qönçə ləb yarı sevmişəm,Dəhanında tuti dillərə qurban,
YadigarSallanıb-sallanıb naz ilən gedən,Yarəb, bilmənəm kimin nazlı yarıdır,
Gəraylı: Ey ağalar, bu gözəldənEy ağalar, bu gözəldən,Mən dönərəm, könül dönməz,
Dərbəndə gəlSalam olsun sənə, ey aşiq Valeh,Hünərin var isə bu Dərbəndə gəl,