Ey Tiflisə gedən Bakı gözəli,Yayıldı ellərə sorağın sənin.Sünbüllər açıldı, güllər qızardı,Dəyərkən Tiflisə ayağın sənin.

Tirmənin üstünü çiçəklə bəzə,Xumar baxışına can gərək dözə.Sənanın dağına çıx gəzə-gəzə,Tərlətsin laləni yanağın sənin.

Tökmə ağ üzünə qara zülfünü,Könlüm də ordadır – ara zülfünü.Ehtiyatla hərdən dara zülfünü,Qoy düşüb itməsin darağın sənin.

Sən gəzən yerlərdə özgə hal olar,Güllər ayağına payimal olar,Bir kəlmə danışsan tuti lal olar,Güldürər qönçəni dodağın sənin.

Vahidəm, eşqinlə dastan qoşaram,Başqa gözəllərdən uzaqlaşaram,Ölmərəm, dünyada yüz il yaşaramGər olsam bir gecə qonağın sənin.

Use ← → keys to move, R for a random poem

Random poem

More by this author

Poems by other poets · Love