Ümid səhneyi-tamaşayi-həyatın ruhudur
Mən bir günəşəm, yerdə əyandır ləmə’atım,Şe’rimdə parıldar duruyor çöhreyi-zatım.Yoxdur zərəri, keçsə də fəqr ilə həyatım,Kim olduğumu bildirəcək bil ki, məmatım.Fərdayi-üfulumda bu qövm ağlayacaqdır,Lakin gözümü dəsti-əcəl bağlayacaqdır.
Mən solmalıyam ta ki açılsın da baharım,Mən sönməliyəm şə’şə’ələnsin də naharım.Mən ölmədən əvvəl vətənim oldu məzarım,Ərbabi-zəka düşmənidir indi diyarım.Söndükdə zəka əhli-vətən ağlayacaqdır,Göz incisi-yaşlar o zaman parlayacaqdır.
Ən son diləyim: məqbərim olsun vətənimdə,Təndir vətənim, olmalı canım da tənimdə,Ruhum ki mənim qalmayacaq bu bədənimdə,Quş şəklinə girsin, qanad açsın çəmənimdə.Əndamımı ağuşi-ədəm saxlayacaqdır,Fərdayi-məmatımda adım parlayacaqdır.
Bəxtim kimi olsun kəfənim, yə’ni siyəhnak,Heykəl diləməm, heykəli-qəbrimdir o əflak.Millət işıq olsun, məni udsun bu siyəh xak,Ancaq dilərəm qövmim ola sahibi-idrak.İdrakı olanlar məni sonra qanacaqdır,Bir qövmi dirildən də cahanda qanacaqdır.
Mən ölmədən əvvəl vətənimdir mənə məqbər,Çünki vətənimdir, buna olmam ki, mükəddər!Yurdum da anamdır, bütün övladı bərader,Mən istəyirəm: olmalıdır həpsi münəvvər.
Qaldıqca qara əhl, ziyanı qovacaqdır,Bir gün gələcək səhvini də anlayacaqdır.Ulduzlar əməl, leyli-həyatımda dirəxşan.Dilbər kimidir xəndeyi-məcrur ilə xənda.Gəh-gəh açılır, gəh oluyor pərdədə pünhan,Bir işvə verir, can alıyor, sonra gürizan,Ol afəti-can bir gün olur ram olacaqdır,Dil bülbülü həmbəzmi-güləndam olacaqdır.
Kitabxana.az · https://kitabxana.az/ru/works/hadi-umid-sehneyi-tamasayi-heyatin-ruhudur
Клавиши ← → для перехода, R — случайное стихотворение
Другие произведения автора
A.Səhhət qardaşıma ithaf*1
Açıq və aydın düşüncələr“Parlaq yaz!” deyənlərə*Deyirsiniz mənə: “əş’arı gəl açıq söylə,
Tamaşayi-riqqətəngizDün bir kişi, varlı bir adəm, qürurkar;Vəchində kibrlər oluyordu şəramisar...
Livayi-zəfərin tamaşasıÇıxanda göylərə şəhbali-e’tilayi-zəfər,Qanadlanır daha balalara səmayi-zəfər.
Стихи других поэтов · О смерти
İllərim ötüşür karvanlar təki,Gah səhər görürəm, gah da ki, axşam…
Лаали-манзуме, глава 19آغشته بخون پیکر شاه مدنی بیندرۀ نجفی رنگ عقیق یمنی بین
Məni ta ruzigari-səngidil ayırdı yarimdənMəni ta ruzigari-səngidil ayırdı yarimdən,Nə gördüm ruzi-xoş hərgiz, nə xoşluq ruzigarimdən.
Can-ciyərMəncə, varlıqda həyatdır ölümün can-ciyəri,Olmasaydı ölüm, olmazdı həyatın dəyəri.