Mən kiməm
Bir zamanlar Altaylardan enib yaşıl düzlərə,Asiyanın göbəyində atəş yaxan mənmiyəm?Göy xaqanından salam gətirib dənizlərə,Batıya coşğun bir sel kimi axan mənmiyəm?Mənmiyəm qırbaclayan qərbin üfüqlərini?Harda qırbacım mənim, göstər mana yerini?Mən kiməm, kimlərdənəm, harda mənim el-obam?Bu doğrumu, deyirlər Oğuzmuş igid babam,Sarılmış oymaqlara vermək üçün bir nizam.Minərək şimşəklərə göydə çıxan mənmiyəm?Anlat mana Mete kim, Cebe kim, Sabutay kim,Çingiz, Teymur varmıymış, Gurşad kim, Cığatay kim?Söylə, mənmiyəm quran ilk birlik əsasını,Söylə, mənmiyəm yapan türkün tək əsasını.Mənmiyəm şimdi tutan tariximin yasını?Şimdi həsrətlə böylə dünə baxan mənmiyəm?Mənmiyəm ölü, durğun bir dəniz kimi böylə,Söylə, ey Bozqurdların yaşıl diyarı, söylə!
Kitabxana.az · https://kitabxana.az/ru/works/ildirim-men-kimem
Клавиши ← → для перехода, R — случайное стихотворение
Другие произведения автора
Стихи других поэтов · О природе
Bu diyari-Kərbəla, bu sən, xudahafiz, Hüseyn.Karivan yolandı Şamə, mən xüdahafiz, Hüseyn.
ز لعلش بوسهای جستم، بگفت: آری، بگفتم: کیبگفت: ای عاشق سرگشته، صبرت نیست هم در پی؟
TilliBənövşə tək sünbül zülfün boy verir,Hər yuyub sərində havaya, tilli.
Yağış nemətdirDünən şıdırğı yağış yağırdı,nənəm demiş: