Dostlar! İçin yurdumun ətirli şərbətindən,Bu adət babalardan bizə miras qalıbdır.Möhtəşəm Nizaminin ölməyən sənətindənMənim həmən şərbətim öz şəhdini alıbdır.

Ona ətrindən verən dağlarımın gülüdür,Füzulinin, Vaqifin şirin, şəkər dilidir.Yaranmışdır bu şərbət azər məhəbbətindən,Bizim böyük Üzeyrin yurdunun nemətindən.

Qız qalası, Bakının əzəmətli şahiniSizə təqdim eləyir həmən bu sürahini.Çobanlar ki, nəğməsi dağ başlarından gəlir,Neftçilər ki, şöhrəti Neft daşlarından gəlir.

Deyirlər nuş eləyin, qardaşlar, için-için,Doğma yurdunuz kimi odlar yurdundan keçin!Yaranmışdır bu şərbət azər məhəbbətindən,Dostlar! İçin yurdumun mənalı şərbətindən.

O da mənim bəxtəvər vətənimin tamıdır,Eşqimizdən alıbdır öz ətrini bu şərbət.Dostluğun, qardaşlığın məna dolu camıdır,Dostlar! İçin, var olsun mehribanlıq, məhəbbət...

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О родине