Gözlə-gözlə sən
Qəzəbindən qəhr eyləyər,
Yeli gözlə-gözlə sən.
Öz canını vermə suya,
Seli gözlə-gözlə sən.
İblis ilə yoldaş olma,
Nəfsinə qadağa ver.
Başına bəla gətirər,
Dili gözlə-gözlə sən.
Diqqət yetir həqiqətə,
Hörmət eylə hörmətə.
Hörmət səni yetirəcək,
Ada-sana, şöhrətə.
Naşı, nadan hədyan desə,
Sərraf almaz qiymətə.
Yaxşı saxla öz dəstində,
Ləli gözlə-gözlə sən.
Əmək bəhri əldə edir,
Hər neməti dünyada,
Həm yaxşı yaz, yaxşı yarat,
Yatma qəti dünyada.
Çalış qazan könüllərdən
Məhəbbəti dünyada.
Görən desin hər sözünə,
- Bəli-, gözlə-gözlə sən.
Naxış tutsa, zər gətirsə,
Sən olarsan bəxtiyar.
Yaxşı, yaman nə iş tutsan,
Söylənər diyar-diyar.
Bu aləmdə hökmün olsa,
Əldə varkən ixtiyar.
Öz xalqına hörmət eylə,
Eli gözlə-gözlə sən.
Mərifətli, məlahətli,
Söyləsin dillər səni.
Qoy öyrənsin, əzbər etsin,
Bülbüllər, güllər səni.
Nəslin Eymir, Miskinlidə,
Yetirib ellər səni.
Qədir bil, əmək itirmə,
Vəli gözlə-gözlə sən.
Kitabxana.az · https://kitabxana.az/ru/works/miskin-veli-gozle-gozle-sen
Клавиши ← → для перехода, R — случайное стихотворение
Другие произведения автора
Стихи других поэтов
Nazirə söylədim: mənə şam gətir,Dedi: vallah dolanmıram əlinki
Mürəbbe: Gəldi qasid dedi mən biqərarəGəldi qasid dedi mən biqərarə,Şux dilrubanın izdirabı var,
Gəraylı: Könlüm istər görəm yarıKönlüm istər görəm yarı,Üç gündə bir, beş gündə bir,
Ağam vayBilməm nə var adında, ey şəhsəvar, ağam vay!Titrər adın gələndə, xurdü kübar, ağam vay!