Sevdiyim
Eşqin göllərini çalxanıb üzən,
Sənsən yaşılbaşlı sona, sevdiyim.
Nədir qəsd eyləyib bağrımı əzən,
O süzgün baxmağın yana, sevdiyim.
Könlüm sevdi səntək mina gərdəni,
Eşqin atəşinə yandırma məni.
Məhəbbət odunun nədir dərməni,
Qəsd eyləmə şirin cana, sevdiyim.
Göz götürməm yanağından, xalından,
Gül bənövşə ətir verir telindən.
Mərhəmətli gözəl, nəzik əlindən,
Ver Vəliyə bir nişana, sevdiyim.
Kitabxana.az · https://kitabxana.az/ru/works/miskin-veli-sevdiyim
Клавиши ← → для перехода, R — случайное стихотворение
Другие произведения автора
Стихи других поэтов
Parıl-parıl parıldayır küçələrÖtən bulud səpələyib yağışı.
Yazmam!Firidunbəy Köçərli cənablarına*“Yazmısan tazə nə şeylər? – deyə sordun məndən,
Bəni hər dəmdə nedim öldürür eşqBəni hər dəmdə nedim öldürür eşq,Qara yerə dirilmə girdürür eşq.
MənəmMüşkül işə düşəndə çağırram səni,Yetiş fəryadıma ya İsa mənəm