Qərənfil
Bahardı, hər tərəf güldü, çiçəkdi,Güllər bir-birindən xoşdu, göyçəkdi.Gördüm ki, başını əymiş qərənfil,Dedim: – Kim xətrinə dəymiş qərənfil?!Dedi ki, nərgizdən, lalədən, güldən,Neyləyim, ətirli yaranmadım mən.Seyr et bu gülzarı amandır bir az,Heç bir fikir verməyir burda mənə yaz?..Bülbül gülün olmuş eşqindən dəli,Nəyinə lazımdır dünya gözəli?Çəmən xoş ətirli güllərlə dolmuş,Yar seçib könlünə burda vurulmuşNərgizə göyərçin, laləyə kəklik;Mənimsə bəxtimə yazıldı təklik,Yasəmən gözləyir gülgün səhəri,Oxşayır kölgələr bənövşələri;Məni nə oxşayan, nə də sevən varHeç görməyir məni elə bil bahar.Gəl başlama – dedim – şikayətə sən,O nazik qəlbinlə bu gənc ömründənGəl başını qaldır, gözəl qərənfil,Sənə bu küskünlük yaraşmayır bil.Coşqun bir bahardır ömrün hər dəmiBurax, qərənfilim, bu yersiz qəmi,Sənin də öz ətrin, öz rayihən var,Doğma bir anadır sənə bu bahar.
Kitabxana.az · https://kitabxana.az/ru/works/nigar-refibeyli-qerenfil
Клавиши ← → для перехода, R — случайное стихотворение
Другие произведения автора
Yenə yarım bu gecə könlümə mehman olmadı,Bəzmə saldı meylini saf üzə heyran olmadı.
Könlün yenə min dərdinə bir çarə tapılmazKönlün yenə min dərdinə bir çarə tapılmaz,Bir dərdimi ərz eyləyən ol yarə tapılmaz.
Unudulmuş da, atılmış gülü sevda kimiyəmUnudulmuş da, atılmış gülü sevda kimiyəm,Gözlərindən çəkilən bir dəmi röya kimiyəm.
Başından tufanlar keçən bir dağaBaşından tufanlar keçən bir dağaZərərsiz bir şimşək neyləyə bilər?!