Gəlir bahar, gedir bahar
Payız hələ girməmişdənXəzan yeli gəzmiş bağı.Gül ləçəyi olub dən-dənSaralıbdır tut yarpağı.
Son baharın sirdaşıtəkO görünən kimdir yalqız?Oturmuşdur boyu gödək,Tikiş tikən bir qara qız...
Ah, necə də kobud, çirkinSifəti var o yazığın.Təbiətə qarşı bir kinÇöhrəsində yığın-yığın.
Gözləri çaş, burnu yekə,Əl-ayağı kösöv kimi,Yanaqları ləkə-ləkə...Sıxdı bu dərd ürəyimi.
Təbiətə olsun eyib!Yaratdığı qızdır, axı.Atsan ona, “dəhşət!” deyibGeri dönər eşqin oxu.
(Aşıq demiş, gözəlsiz evViran qala gərək bir gün.Sevəndə də o kəsi sev,Hüsnü dildən-dilə düşsün).
Ah, görəsən tale niyəQarğıyıbdır bu insana?!Oxuyurdu “bahar...” deyəAsta-asta, yana-yana.
Heyrət etdim, bu nə işdi,Xəzan vaxtı deyil məgər?Dizi üstə sərilmişdiŞehli güllər, bənövşələr...
Yaşıl ot da çıxmış dizə,Lalə, nərgiz bir qucaqdı.Sordum: – Nədir bu möcüzə?Həya ilə dönüb baxdı.
Durub çırpdı ağ kətanı,Əlvan dəstə dağılmadı –Mən seyr etdim gülüstanı,İynəsini o sapladı.
Kösöv kimi odlu əllərGəzdikcə ağ kətan üstə –Qar əridi, təzə güllərÇıxdı yenə dəstə-dəstə.
Bu tər gülü, tər çiçəyiO toplamış ürəyindən,Toxumuşdur hər ləçəyiArzusundan, diləyindən.
Payız hələ girməmişdənXəzan yeli gəzmiş bağı.Gül ləçəyi olmuş dən-dən,Saralmışdır tut yarpağı.
İlk baharın sirdaşıtəkO görünən kimdir yalqız?Ağ kətana çiçək-çiçəkNaxış salır bir gözəl qız.
Gəlir bahar, gedir bahar,Hər nəməti xəzan olur;O gözəllik, o naxışlarNə saralır, nə də solur...
Kitabxana.az · https://kitabxana.az/ru/works/qasim-qasimzade-gelir-bahar-gedir-bahar
Клавиши ← → для перехода, R — случайное стихотворение
Другие произведения автора
Стихи других поэтов · О природе
Səninlə mən görüşəndə,Qolum doladım belinə.
Verdim o gün ki, zülfi-pərişanə könlümüVerdim o gün ki, zülfi-pərişanə könlümü,Saldı nigar o zülfdə zindanə könlümü.
Qəzəl: Gəl ey badi-səba, söylə dilimdən şəm tək yarəGəl ey badi-səba, söylə dilimdən şəm tək yarə,Qıl əfğan, ağla, şərh elə ki bəsdir yandım odlarə
نوبهار و بوی زلف یار و انفاس نسیماهل دل را میدهد پیغام جنات نعیم