Çıxdı yay, oldu payız, qış yetişər ləşkərilən,Çırpısız kimsə durub mən kimi əşk-i tərilən.

Odunu olmasa hər kimsənin qış fəsli,Ağlaşar tifl, çıxar yumruğa arvad ərilən.

Bəzi illər meşədən seyl gətirərdi heymə,Yığmağa xalq darışardı pəsər-ü dühtərilən.

Zeyd-ü Əmr ilə baxıb özümə olam asi,Çıxaram cəngə xudavənd ilə peyğəmbərilən.

Şükür Allaha ki nə seyl vardır indi, nə odun,Keçirir bəzi adamlar qışı çöp-i tərilən.

Vay mən Qasır İsmayılın əhvalinə vay,Ki odunsuz çıxarıdı başa qışı Hacər ilən.

Kişi məktəbdar olunca bu vilayətlərdə,Yeğdir ondan dolana gav-xər-ü ustər ilən.

Bir neçə şəxslə ülfət eyləməkdən yeğdir,Gedüb ülfət edəsən Artun ilən, Kəsbər ilən.

Bizim ibnayi-zamanə eyləməz heç təsir,Zülfüqarın götürüb gəlsə Əli Qənbər ilən.

Çəkərəm çərx üzə nok-i qələmilən əşkal,Verərəm bir-birinə elmilə bəhri-bər ilən.

Lənkəranda neçə illərdir idirəm nəşvünüma,Burda mən anlamadım doğrusu xeyri şər ilən.

Tə'n-i hər həyz-u dəniydən mənə xoşdur bu,Edələr cismimi yüz parə əgər xəncər ilən.

Qopsa gər qışda qiyamət ki müşəxxəsdir bu,Ki odunsuzlar üzün nara salur kafir ilən.

Az qalub bir para arvad qoya başına papaq,Dolana bir para nakəs kişilər məcər ilən.

Bəs döyüb zövraq-i iqbalimə əmvac-i zaman,Çəkmişəm sahilə öz nəfsimi bir lənqər ilən.

İndidən xalq odun fikrini edir, amma kim,Olub əngüşt bərabər mənə müşk-i tər ilən.

Gər simavər kömürü olsa müheyya göndər,Eşşək alvərdi sopa, Mehdi Qodux Cəfər ilən.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов