Səttar Bəhlulzadənin xatirəsinə
O fırça barmaqlar büküldü birdən,O mavi gözlərin işığı söndü.Göylər də hönkürdü qara xəbərdən,Təbiət Səttarsız yetim göründü.
Danışa bilmirəm dərddən, qubardan,Köməyə çağırın coşan Xəzəri.Sanki yellər əsdi, qopdu divardanSənət sərgisinin bir şah əsəri.
Bilirdi dünyadan bir gün köçəcək,Yatacaq kəndinin bir bucağında.Yazda köçmədi ki, solar gül-çiçək,Köçdü təbiətin xəzan çağında...
Bakı yola salır rəssam oğlunuQıy çəkib ağlayan küləkləriylə.Durnalar Səttarın nekroloqunuGöylərə nəqş etdi ləkləriylə.
Bir duman yeridi Qızbənövşədən,Vurdu xəzan yeli çiçəyi, gülü.Sonuncu ceyran da çıxıb meşədən,Yollara göz dikdi boynu bükülü.
Dağların zirvəsi hüznlü, həzin,Şimşəklər ayrılıq nəğməsi çaldı.Axdı göz yaşları qoca Kəpəzin,Ahından Göy gölün rəngi qaraldı.
Bu xəbər Qoşqarın büküb dizini,Dağlar mehribandır, dağlar səmimi.Yamaclar Səttarın ayaq iziniKöksündə saxlayar təbərrik kimi.
Biri turac vurdu, kəklik ovladı,Qırdı ağacları gur ocaq üçün.Gəzdi bu sənətin Məcnun övladı,Ana təbiəti sağaltmaq üçün.
Sənət tufanıydı o zərif bədən,O zərif ürəkdən bir dağ hünəri.Füzuli dünyaya gəlib təzədən,Fırçayla nəqş etdi gözəllikləri.
Elə nəqş etdi ki, ürəyimiziHəmişə vüsala, eşqə səsləyə.Onun hər lövhəsi çağırdı biziİşığa, paklığa, müqəddəsliyə...
Sənət daimidir, ömür ötərgi,Solar məzar üstə güllər, çiçəklər.Əbədi muzeydir, əbədi sərgiSəttar sənətini sevən ürəklər.
Kitabxana.az · https://kitabxana.az/ru/works/tofiq-bayram-settar-behlulzadenin-xatiresine
Клавиши ← → для перехода, R — случайное стихотворение
Другие произведения автора
Yaşaya bilərəm odsuz, ilhamsız,Yaşaya bilərəm çörəksiz, susuz.
Oğul məhəbbətiİlk dəfə dünyaya sanki göz açdım,Mən yaşa dolmamış ağıla doldum.
Ömrümə bir gün qalmış...Kaş ki, öləcəyim günü biləydim,Biləydim nə zaman son nəfəsimdir.
Şair qocalmazDeyirsən şairlər niyə qocalır?Ömür bahar olsa, şair qocalmaz.
Стихи других поэтов · О природе
Ver müjdəmi, ey dil ki, nigarın gələcəkdir,Qönçədəhanü laləüzarın gələcəkdir,
Birisi nəAşiqlərdə gərək üç şey cəm olsun,Birsi sazdı, birsi sözdü, birsi nə?
Röyalari qaçqınYa Rəbb, bu elin bülbüli-şeydalari qaçqın,Bağbanı didərgin güli-rənaləri qaçqın.
AçıldıƏqlim başdan getdi, xiyalım çaşdı,Giriban çak oldu, bellər açıldı,