Ahu nigah, ay həsrəti xumarın,Dolanıb bağlarda bar axtarırsan.Gözü yolda qalan intizarın var,Ya da xəstə üçün nar axtarırsan.

Hayana baxırsan, tökürsən yaşı,Sənin bu ah-nalən yandırır daşı.Sənə kar eyləyir eşqin ataşı,Ya da pərvanəsən, nar axtarırsan.

Gözəl, sənin bu halını görəndə,Suvar oldu qəm qəndəli səməndə.Ya istəkli dostun keçib kəməndə,Ya müşkülə səbəbkar axtarırsan.

Yazıq Abdullayam, yetmədim nəfə,Qəm yazdım dəftərə yenə bir səhfə.Züleyxasan, eşqin düşüb Yusifə,Ya özünə layiq yar axtarırsan.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви