Qızcığaz
Alagöz, sarışın körpəcə bir qızDörd divar içində ağlayır yalqız.Gözünü sıxdıqca o gözəl pəriGöyləri andırır ala gözləri.Ah! O körpəciyin nə dərdi vardır?Onu da ağladan bir intizardır…Alıb gəzdirsə də qızı qonşular,— Ana nəfəsinin özgə dadı var…Ağlayır, ağlayır bala qızcığaz,Qırılır qəlbində sədəfli bir saz.— Anam gələcəkmi xəstəxanadan?— Körpə bu sözləri dediyi zamanİslanır kirpiyi yaşlar içində,O yatır torpaqlar, daşlar içində…
Qucağında çağa görünür ana,Zəif addımlarla çıxır eyvana.— Alagöz, Alagöz! Bir oyan, qızım,Sənsən bu dünyada tale yıldızım…Qızcığaz gözünü yuxudan açır,Ana o gözlərə bir şəfəq saçır.— Can ana! Sənsənmi? Hardaydın, ana?— Qızım, bir qardaş da doğmuşam sana!..
Kitabxana.az · https://kitabxana.az/ru/works/vurgun-qizcigaz
Клавиши ← → для перехода, R — случайное стихотворение
Другие произведения автора
Qadın! O sevimli, süslü bir sona,Mən əsirəm, əlbət, əsirəm ona.
Bir qəlb ki, çalxalanarBir qəlb ki, çalxalanar, hər zaman coşar,Tufanlar keçirən dəryaya bənzər.
AndımMən and içmişəm ki, bir də qələmimGözəllərdən ilham almayacaqdır.
Bayram qabağıYenə baxır gülərüz ay pəncərəmdən xumar-xumar,Yatma, - deyir bu gün mənə sinəmdəki bu duyğular.