Ehtiyac
Vətəni qürbətə çevirər,Sevgini nifrətə çevirər,Ehtiyac üzündən daima,Dağılar minlərlə ailə,Ölkələr sarsıdar-ehtiyac!Həyatın tərsidir-ehtiyac!
Ananı ayırar baladan,Ürəyi tən bölər yarıdan,Qoparıb sinədən aparar,Ölümün əbədi çəpəri,Yoxsulun kölgəsi-ehtiyac!Ev yıxır, yol kəsir-ehtiyac!
Ehtiyac toruna düşəndə,Satılır gözəllər, qəşənglər.Aslanı, pələngi sındırır,Cılızı, nəhəngi sındırır,Ağ üzü qaraldır-ehtiyac!Ümidi saraldır-ehtiyac…
Əyir ən əyilməz vicdanı,Aclıqla sınayır insanı,Qurd kimi bədəni gəmirir,Çürüdür poladı, dəmiri,Cismini əridir-ehtiyac!Bəşərin şəridir-ehtiyac!
Milyonlar göz dikib çörəyə,Çörəkdir hər evin dirəyi,Çörəksiz hamımız dilənçi,Odur ki, ən əvvəl, birinci,
Çörəyə qənimdir-ehtiyac!İndiki günümdür-ehtiyac…
Tanıyıb nə vaxtdır qapımı,Alıbdır əlimdən tabımı,Çəkibdir qılıncı üstümə,Durubdur xalqımın qəsdinə,Əyibdir qəddimi-ehtiyac!Ermənisifətdir-ehtiyac…
Kitabxana.az · https://kitabxana.az/works/cabir-novruz-ehtiyac
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Başına döndüyüm ədalətli şahGəlmişəm dərdimə dərman edəsən
Qəzəl: Ey dost, mən buyurduğuna qoymuşam boyunEy dost, mən buyurduğuna qoymuşam boyunGər istərsən bu köynəyi məndən buyur soyun
SöküldüAğzın bal dilin şəkər Mahtab,Yenə ciyərimin başı söküldü
Qit'ə: Nazirə söylədim mənə şam gətirNazirə söylədim: mənə şam gətir,Dedi: vallah dolanmıram əlinki