Könlümün şüşəsi, saqın ki, sınar,Toxunarsa ayna daşa, dayanmaz.Əl dəyməmiş yaraların sızıldar,Vursan sinəm üstə maşa, dayanmaz.

Xəstə könlü istər narı görəndə,Çaşır ağlım-huşum yarı görəndə.Bülbül gül üstündə xarı görəndəQan ağlar, ruxsarı yaşa dayanmaz.

Ələsgər də nazlı vara qul ola,Yanıb cismi ataşına kül ola.Canı çıxar dərd ürəkdə bol ola,Qəm qalxıb başından aşa, dayanmaz.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar