İndi hamı öz hayında,Şişdə kabab köz hayında.Söz qiymətdən düşüb tamamBir kimsə yox söz hayında.

İndi sözü güdənlər var,İndi sözə gedənlər var,İndi sözü yeməyən yox,Sözü yeyən – gödənlər var.

O söz ki, lazımdır bizə,Heç deyilmir, çıxmır üzə,Ta doğru – söz gözə dəymir,Yalan – söz çıxıbdı dizə.

Ta mərd sözü demək çətin,Namərd sözün var hörməti.Qorxaq sözlər, yumşaq sözlərYastığıdır cəhalətin.

Əyri otur, sözü düz de!Deyirsənsə bütöv söz de!Başa düşmək olmur, dadaş,Yarımçıq sözü ha yüz de!

Söz-dərd udar, sevinc səpər,Söz həm oxdur, həm də sipər.Təpərli söz deyən kəsinÖzündə olmalı təpər.

Elə söz de, əyilməsin,Sözünə söz deyilməsin,Bircə kəlmə söz de, bilək,Nəkarəsən, kimsən, nəsən.

08.05.2007

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri