Sevinc aşdı-daşdı eynən sel kimi,Eynən qanad açdı quş kimi fərəh.Arzu çiçəkləndi eynən gül kimi,Eynənlər qalandı üst-üstə, səf-səf.

Hər yerdə karına gəlməz bu eynən,Məgər, fəlakətin eynəni varmı?Bəs sən müsibəti ölçürsən nəynən,Dərddən də o yana heç dərd olarmı?!

Gəldi-gedər deyil, dərdim sevinc tək,Dərd – sınmaz, əyilməz, dərd – sərtdir, mərddir.Dərdi dərddən başqa nəyə bənzədək?!Dərdin təşbehi yox, dərd elə dərddir.

Dekabr, 2005

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar