Giryədir hər dəm açan qəmdən tutulmuş könlümü
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir.
Giryədir hər dəm açan qəmdən tutulmuş könlümü,
Əşkdir xali qılan qan ilə dolmuş könlümü.
Ey pərivəşlər, cəfa rəsmin unutmın, lütf edin,
Eyləmin bədxu cəfa mötadı olmuş könlümü.
Vədeyi-vəsl ilə, ey gülrüxlər, etmin müztərib,
Möhnəti-hicran ilə aram bulmuş könlümü.
Xəncəri-bidad ilə hərdəm görər zəxm üzrə zəxm,
Hiç bir dəm görmədim önmüş, önülmüş könlümü.
Payibəndi-lütf olub, bir yerdə sakin bulmadım,
Dəşti-heyrətdə tərəddüddən yorulmuş könlümü.
Simbərlərdən gələn daşları yığmış çevrəmə,
Eşq məmur eyləmək istər pozulmuş könlümü.
Hər zaman bir atəşinrüxsar sövdasın çəkər,
Ey Füzuli, gör bu odlarə urulmuş könlümü.
Kitabxana.az · https://kitabxana.az/works/fuzuli-giryedir-her-dem-acan-qemden-tutulmus-konlumu
← → düymələri ilə keçid, R — təsadüfi şeir
Müəllifin digər əsərləri
Neyləyim, dərdlərimi az edir izhar, bilir.
Sənsiz etsək, gözəlim, söhbəti-can, ləzzəti yoxEtsə şirin bizə hər kami-cahan, ləzzəti yox.
Çəkir eşqin məni hərdəm yeni bazarə yenəDikmisən göz niyə bəs başqa xiridarə yenə.
Ey könül, yarı istə, candan keç!Uyma bu varlığa, cahandan keç!
Başqa şairlərin şeirləri · Eşq
Çox çalışdım, mətləbimə çatmadımArzu mənim canda qaldı, hay mədəd
Firdovsi yanıldıQadınla əjdaha düşsə torpağa,*Torpaq da onlardan qaçar uzağa.*
Cahan bağında, ey bulbul, Nigari kimi yar olmazCahan bağında, ey bulbul, Nigari kimi yar olmaz,Mənim tək sinəsi gul-gul bulunmaz, dağidar olmaz.
QəzəlGər səninçün qılmasam çak, ey büti-nazikbədən,Gorum olsun şol qəba, əgnimdə pirahən-kəfən.