Qartalı dostları saxlayıb bir an,Dedilər: – Qəribə gəlhagəldi bu?Sərçə, kitab yazıb ala qarğadan,Bir ayın içində namizəd oldu.

Hazırdır toyuğun “elmi əsəri”Onu da böyüdüb qaldıracaqlar.Sən elə süzürsən tutub göyləri,Hərənin bir adı, bir rütbəsi var.

Qartal gülümsəyib söylədi bu dəm:– Uçmaq ilk eşqimdir, ilk niyyətimdir!Öz qartal adımı yaşada bilsəm,Bu mənim əbədi səadətimdir.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri