Yığılmır yollardan fikrim, xəyalım,Görən bu çöllərdə kimim var mənim?Sazda “Kərəmi”yə qoşulan səsim,Kamanda inləyən simim var mənim.

Kəsilib qapıdan gedib-gələnim,Yox mətləb qananım, qədir bilənim.Dumanlar içində yorğun köhlənim,Tufanlar qoynunda gəmim var mənim.

Hüseyn, nə oldu qönçə niyyətim?Daşlara toxundu ilk məhəbbətim.Özgəni güldürən sözüm, söhbətim,Özümü ağladan qəmim var mənim?

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri