Könlüm nəsibi çün ki, bəla qıldı yarədən,Tabi-bəla gətürmədi, can çıxdı arədən.

Çeşmimdən ey ğəzalə, fəraqində ağlasam,Pərkalələr düşər cigəri-parə parədən.

Könlüm qara qılur yüzini sənsiz ah ilən,Qurtar xuday içün məni bu yüzi qarədən.

Baş ağradur səhər bu müəzzin dedikləri,Yarəb ki, uçursun Tanrı anı minarədən.

Könlündə hiç rəhmi yox ol dilbərün, bəli,Mehri-giyah bitməz olur səngi-xarədən.

Bimarlıq nəhayətə yetdi, gör ey rəqib,Gorü kəfən yəraqı ki, iş ötdü çarədən.

Məqtə — şairin təxəllüsü olan son beyt. Kirpikləri xəyalında, ey Kişvəri yenə,Bağrım bolub kəbabü asıldı qənarədən.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq