Mən çiçək olsaydım...
Mən çiçək olsaydım, ətirli çiçəkƏtrimlə məst edib oxşardım səni.Mən ulduz olsaydım şölə çəkərəkGöylərə yazardım məhəbbətini.
Deyirəm, mən dəniz olsaydım inan —Nəğmələr deyərdim sənə tərtəzə.Sevdalı dalğalar, mavi asimanQibtəylə, həsədlə baxardı bizə.
Nurlu ay olsaydım batmazdım, əsla,Daima göylərdə işıq saçardım.Qoymazdım qalasan gülüm, tək-tənha,Gələrdim, qapını özüm açardım.
Mən günəş olsaydım, qızıl tac olubBaşında parlardım ömrüm boyunca.Arzulu ürəktək boşalıb, dolubMahnılar deyərdim sənə doyunca...
Axar çay olsaydım dərə, dağ aşıbBağçana, bağına axıb gələrdim.Yorulub, dincəlib, kükrəyib, daşıbBir anda sədləri yıxıb gələrdim.
Bir yaşıl yarpaqlı çinar olsaydım,Pəncərən önündə yaşa dolardım.Dodağı nəğməli bahar olsaydımÖmrünə, gününə hopub qalardım.
Ya rübab, ya kaman, ya tar olsaydımSevgindən mən dilə gələrdim inan.Yaz əriylə dolu rüzgar olsaydımİlk özüm öpərdim o saçlarından.
Fəqət nə baharam, nə günəş, nə ay,Nə çinar, nə rübab, nə kamanam mən.Nə ulduz, nə dəniz, nə kükrəyən çay,Məhəbbət yolçusu bir insanam mən.
Bircə ürəyim var, sənindir o da,Bir də ki, nəğməmdir sovqatım mənim.Məhəbbətsiz ömür nədir dünyada,Sevgidən yaranmış həyatım mənim...
Kitabxana.az · https://kitabxana.az/works/medine-gulgun-men-cicek-olsaydim
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
Kül yarpağı, o ləli-dirəxşanə oxşamaz,Bülbül fəqanı çəkdiyim əfqanə oxşamaz.
ŞəltükQutarmışdıq hər əngəldən, gənə bir əngəlim çıxdı,Cənabın bəxş edən şəltük içindən çox bəlim çıxdı.
Bu diyari-Kərbəla, bu sən, xudahafiz, HüseynBu diyari-Kərbəla, bu sən, xudahafiz, Hüseyn.Karivan yolandı Şamə, mən xüdahafiz, Hüseyn.
Gəraylı: Gənə fəsli-bahar olduGənə fəsli-bahar oldu,Yanıb-yanıb ötər bülbül.