Yaşadım
Öz ömrümü şum elədi öz əlim,Yazında gül, payızında xəzəlim.Gündoğandan günbatana mənzilim...Bu da belə bir ömürdü, yaşadım.
Zarımağa ömür deyib ağlama,Hər ölümə ölüm deyib ağlama,Tale döyüb, haqlı döyüb, ağlama,Bu da belə bir ömürdü, yaşadım.
Oğlun yoxdu – sonun yoxdu, dedilər,Sağın yoxdu, solun yoxdu, dedilər,Odun boyda suyun yoxdu, dedilər,Bu da belə bir ömürdü, yaşadım.
Gah özümü özüm qovdum, yoruldum,Öz diqtəmin buyruğuna qul oldum.Vətən göyü göylüyündə duruldum,Bu da belə bir ömürdü, yaşadım.
Zirvədəki əl çatmayan qala mən.Ətəkdəki sinə – cığır, tala mən.Xudafərin harayından qalan mən...Bu da belə bir ömürdü, yaşadım.
Ocaq oldum, ocaq daşı olmadım,Hər çalaya axan naşı olmadım,Arazımla yol yoldaşı olmadım,Bu da belə bir ömürdü, yaşadım.
Kitabxana.az · https://kitabxana.az/works/memmed-araz-yasadim
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Həbibim, qəddi-mövzunun əlifdir dal arasındaVücudun Həzrəti-Haq saxlasın iqbal arasında
Yora bilməz yollar məniGah aranda, gah dağdayam,Gah çəməndə, gah bağdayam.
QaldımYanaram, yanaram, dilim dönməz,Qərib qərib qürbət ellərdə qaldım
SualAləm, səndən mən bir xəbər alayım,Cənnətin çırağı nə içindədir?