Sənə səcdə qıldım, sənə baş əydim,Qəzəb sükutunu qəlbən eşitdim.Günahkar olardım yalan desəydim,Həqiqəti dedim,cinayət etdim.

Mən neçə unudum nurlu gözləri?Yəqin süni imiş o "can" sözləri.

Sən mənim ömrümdən şimşək olub keç,Məndən uzaqda da mənimçin varsan.Qapından dilənçi qovmamısan heçMəhəbbət umanı necə qovursan?

Susuram... nə qada, nə də qan olsun,Sevgiyə həqiqət qadağan olsun?

Sözümü ulduzlar göylərə yazsın,Ölərkən mən eşqin ehtiyacından,Yalan qüdrətlidir qoy məni assın,Assın həqiqətin dar ağacından!

17 may 2000

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq