Mənim ox qəlbimə dəymiş, gözüm pürxün, nədəndir?Özün qəlbimdəsən, nəqşən olur birun, nədəndir?

Bu dünyadə mənim ancaq yeganə istəyim var,Bəşər bir qəlbə sahibdir, belə şəbxun, nədəndir?

Fəzayi-eşqdə pərvaz bərabər etmişik biz,Sənin mehrin gödək, eşqim mənim əfzun, nədəndir?

Tutardın dost məni əvvəl, nədən mehri unutdun,Bu düşmənlik nədən doğdu, kənar oldun, nədəndir?

Məqtə — şairin təxəllüsü olan son beyt. Şəfa qıldım bütün naçar ürəklər harda varsa,Nizamiyə çatıb növbət, cəfa qıldın, nədəndir?

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq