Odur Kəbə sultanı yeddi ölkə təxtində
Qəsidə nədir?
Qəsidə: təntənəli, uzun lirik şeir; mədh və ya öyüd üçün yazılır.
Odur Kəbə sultanı yeddi ölkə təxtində,Qara çətir başında, yaşıl diba əynində.
Dördkünc, uca təxtində Xosrovlar tək əyləşib.Həlqəsinin pərgarı göylər dairəsində.
Ərəb əndamlı türkdür, hər gün min könül ovlar,Ənbərdən qara xal var nurlu, ağ çöhrəsində.
Xalı tək olduğundan dərd də, bəla da tək-tək,Qapı həlqəsi kimi daralmış, azdı fitnə.
Tərəzisi qızılın saflıq ölçüsü olmuşArpa boyda qüsur yox daşının çəkisində.
Müşkü ipək içində saxlayırlar, qaydadır,Müşk xalı gizlənib yaşıl ipək içində.
Yolunda ehkamçılar “ləbbeyk” nərəsi çəkir,Necə ki çəkəcəklər məhşər kəşməkəşində.
Gümüş navalçasında kövsərin şirin suyu,Tüba şaxələnibdir sütununun çiynində.
Gəmiçilər yelkənsiz, lövbərsiz qalar bəlkəSükanı bərk tutmasa o, dünya gəmisində.
Hündür divarı - xətkeş, mehrabı-paytaxt olubAltı yön pərgarına inayət cədvəlində.
Torpağının göbəyi saçır ərzə rayihə,Min-min könül saflaşır ehramının dibində.
Daş xalçası üstündə qartal kimi oturmuş,Üzərindən uçmamış hətta bir göyərçin də.
Ulu Tanrım, macal ver Nizamiyə, ölməmiş,Ürəyim dağa dönsün onun ziyarətində.
Hayqırım ki, min şükür, ey Kəbənin sahibiKəbədən ətir saçır şahlığın da, ədlin də!
Təxtdə Kəsradan üstün, at belində Səncərdən,Gözü var onda min-min Kəsranın, Səncərin də.
Dövlət öz əlindədir, ordular öz əlində,Odur ərzin - Darası, Nüsrət əd Din Bişkin də.
Məlik şah oğlu Mahmud, Firidun oğlu Cəmşid,Müzəffər oğlu Mənsur, Məhəmmədəli Bəkir də.
Ulduzlar içrə Günəş, fikirlər padişahı.Dövlət öz əlindədir, ordular öz əlində.
Firiduna bayraqdaş, İskəndərə rütbədaş,Tacidarlar başçısı, şəhriyarlar fövqündə!
Sayəsində rəiyyət coşğun əməklə məşğul,Dövlət, əmin-amanlıq, sülh onun kölgəsində!
Dostlara qızıl səpir bahar yağışları təkDüşmənlərlə çarpışır şir tək yeri gələndə.
Kiminsə ağ bəxti var, kiminsə bəxt ulduzu,Odur bəxti açan da, parladan Ülkəri də.
Qeyzi, qəzəbi coşsa, xaqan təxti titrəyər,Qeysər tacı dağılar... tufan yatır zəhmində.
Lütfü gülsə, gözəllər bəzək, çələng aparar,Şahlar çatar sərvətə səxa xəzinəsində.
Xidmətindən qaçanın boynu keçər kəndirə,Ya da qolunda qandal yatar zindan güncündə.
Çıxdı fikir taxtına, yalnız onda inandıq:Bir şəxs iki aləmi yaşadarmış özündə.
Ey xəzinələr saçıb düzü dağa döndərən,Ümman bircə damladır səxavətin önündə.
Sayəndə zülmün cismi üzülüb çöpə dönmüş,Ədalət şaxələnmiş sənin himayətində.
Zindansız, qandalsız da yıxar düşməni qeyzin,Oxsuz, qılıncsız belə ölürlər nifrətində.
Əsrin nərdtaxtasında zəri sərrast atırsan,Rəqibin yolu bağlı - altı xanəsi səndə.
Şahın qədəmlərinə nə qədər inci səpdim,Nə daş göründü, nə zər, heyhat, tərəzisində.
Nizami töhfəsini rədd etmə, ey ulu şah,Min-min xəzinə heçdir sənin töhfən önündə.
Bu qara, ağ aləmdə hər gecən gündüz olsun,Gecən gecəndən üstün, gündüzün gündüzündən.
Uca şahlıq təxtində daim gəncləş, yaşıl qal,Aləm Tanrının olsun, bəşər sənin hökmündə.
Kitabxana.az · https://kitabxana.az/works/nizami-odur-kebe-sultani-yeddi-olke-textinde
← → düymələri ilə keçid, R — təsadüfi şeir
Müəllifin digər əsərləri
Nikisa od saldı şahın könlünə,Barbədin setarı su tökdü ona.
Xosrov və Şirin, fəsil 88Xosrov ilə Şapur danışan zamanGördülər qərq oldu bir nura cahan.
Xosrov və Şirin, fəsil 89Firuzə göylərə işıq saçıldı,Sübhün gəlininin bəxti açıldı.
Xosrov və Şirin, fəsil 90Səadət bir gülü bəslərsə əgər,Bəslədiyi gülə həvəskar istər.
Başqa şairlərin şeirləri · Mədhiyyə
Ətəmasım budur, ey şahlar şahı,Həzər elə biçarələr ahından,
Müavin mana ol Sübhan olursaMüavin mana ol Sübhan olursa,Bədəndə ruhi-qüdsi can olursa,
Saqi, nəzər et məclisəSaqi, nəzər et məclisə, gör canım hardadır?Bir yol güzər etməz bizə cananım, hardadır?
Əzəldən şah bizim sultanımızdırƏzəldən şah bizim sultanımızdır,Pirimiz, mürşidimiz, xanımızdır.