Birinci dərs
(Təbriz məktəbində)
Məktəb al geyinir bayram qabağı,Onun yollarına güllər tökülür.Şəndir müəllimin qaşı-qabağı,Körpə uşaqların gözləri gülür...Şahın şəkli yoxdur, divara bax bir,İndi Səttarxandır seyr edən bizi.Əziz körpələri görüb sevinirNizami, Füzuli, Saib Təbrizi...Müəllim şagirdə dedi inamla:Gəl yaz, söz azaddır indi ölkədə...Gəlib çox həvəslə, çox ehtiramla,İki kəlmə yazdı şagird lövhədə.Bir fərəh götürdü tez şagirdləri,Sevincdən parlayan gözlər alışdı.Kim bilir, kim bilir nə vaxtdan bəriBu sözlər lövhəyə yazılmamışdı...Hamı bir ağızdan edincə təkrar,Sözlə qanadlanıb dağları aşdı.Dolandı, bir yerdə tutmadı qərar –Azəri yurdunu gəzdi, dolaşdı.Sonra havalandı, gəldi cövlana,İran torpağını gəzdi sərbəsər...Elə ki, yetişdi bu səs Tehrana,Titrədi yerbəyer məclisdəkilər.Çox yazdı, çox pozdu hökmdar, ancaqHökmü dövran verdi, zəmanə yazdı..Öz doğma dilində məktəbli uşaqBir “vətən” söylədi, bir “ana” yazdı.Təkcə körpələrin deyil ki, inan,Bu dərs lap şahın da yadında qaldı...Kim qıfıl asmışdı xalqın dilindən,O da öz dərsini bu gündən aldı.Bakı, dekabr, 1945
Kitabxana.az · https://kitabxana.az/works/osman-sarivelli-birinci-ders
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Vətən
Şuşanı yuxumda gördüm dün gecə,Şəhərim bərbaddı, İlahi, necə.
Qız qalasıSəni qaldıran zaman vüqarını ucaldıbDünyalar qədər qədim millətim, Qız qalası!
Bağdaş qurub otursa nigarım, fəğan qoparBağdaş qurub otursa nigarım, fəğan qopar,Dursa-otursa, fitnəyi-axirzaman qopar!
Tarixi-Cədidi QarabağMİRZƏ RƏHİM FƏNAMirzə Rəhim Fəna (1841-1929) Azərbaycanın tanınmış şairi və ictimai xadimlərindən biridir. Xan qızı adı ilə məşhur olan Xurşidbanu Natəvanın yanında xidmət etmişdir. 1864-cü ildə Mirzə Rəhim Fənanın təşəbbüsü ilə Şuşada "Məclisi-üns" ədəbi məclisi yaradılmışdır. Sonralar da o, məclisin rəhbərlərindən biri olmuşdur. "Məclisi-üns" haqqında dəyərli xatirələri ikicildlik "Azərbaycan ədəbiyyatı" əsərində əlavə şəklində çap edilmişdir. Şeirlərindən nümunələr inqilabdan əvvəlki dövri mətbuatda: "Təzkireyinəvvab", "Riyazül aşiqeyn" əsərlərində çap olunmuşdur. Tarixə və ədəbiyyata geniş marağı olan Mirzə Rəhim Fənanın "Tarixi-cədidi Qarabağ" əsərindən yalnız bəzi fraqmentlər mühafizə edilmişdir ki, oxuculara təqdim olunur. Əsərin ərəb əlifbasından transliteriyasını Arif Ramazanov etmişdir.