Oyna, gülüm oyna!
Oyna, bu elin dərdinə, oyna, gülüm oyna,Sən oyna, mənim millətə qalxmır əlim oyna.
Susduqca bu millət dili ağzında tutuldu,Dilləndi dilim dillərə dillən dilim oyna.
Yüngül havalar məsləki yüngüllər üçündür,Oyna, bu ağır gündə mənim yüngülüm oyna.
Londonda, Parijdə kürümü erməni tıxsın,Öz neftçisinə kilkə yedirdən gölüm oyna.
Susmuş Qarabağ bülbülü, qalmış qara bağlar,Getmir ürəyimdən kədərim, nisgilim, oyna.
«Ruhani»ni dərddən dəli olmuş ana oynar,«Divani»ni sən oyna elimlə zülm oyna.
Atəşkəsə getdik ki, yatanlar yata bilsin,Məclisdə gözü bağlı qalan mürgülüm oyna.
Aldın bağımı, bağçamı, axır ki, əlimdən,Röyalara döndü üzümüm, əncilim oyna.
Bir gün Xəzərim coşsa, sular altda qalarsan,Hər yerdə sənindir hələlik sahilim oyna.
Onlarla oyunbaz oyunun oynadı getdi,Oyna, çıx oyundan ki, oyundan silim oyna.
Hər bir əməlin dəftərə mütləq olunur qeyd,Son nöqtə çatınca gedəcək, vergülüm oyna.
Az qaldı qiyamət gününə, oyna «Hop-Stop»,Məhşər günü sorğu-sualı müşkülüm oyna.
Sahib zaman ilə bitəcəkdir bu oyunlar,Az qaldı tamam olmağa, onki ilim oyna.
Pünhan, Vətənin yadlar əlində, gəlin oldu,Bir «Vağzalı» çal, mən də onunçün ölüm oyna.
20 aprel 1998. Bakı
Kitabxana.az · https://kitabxana.az/works/punhan-oyna-gulum-oyna
← → düymələri ilə keçid, R — təsadüfi şeir
Müəllifin digər əsərləri
Heyf, mətbularda illərnən yazıb nəşr etdiyim,Haqq söz həsr etdiyim.
Qoşmaİllər pillə-pillə düşür ömürdən,Gənclikdən şirin bir xatirat qalır.
Ən yaxşı yol...İlahi, bu nə qəmdir, nə zülümdür?Ölən bülbülümdür, solan gülümdür.
Yalan çeyniyə-çeyniyəYalan sözü at ağzına, dolan çeyniyə-çeyniyə,Tüpür acı həqiqətə, yalan çeyniyə-çeyniyə.
Başqa şairlərin şeirləri · Vətən
Həyat bir dövrandı, iki üzlüdü,Qarası görünür, ağı görünür.
Baba yurdBu da bir cür yazı idi, yazdılar,Hər kəlməni tərs uvanda yozdular.
Nəcmi-geysudarSən ey yüksək fəzalardan aşan səyyahi-zərrinpər!Uzaq, ey nəcmi-geysudar! Uzaq gəz, ərzə yaqlaşma!
Böyük şəhidimizəMünir Kari üçün*Özün bir nur ikən “qanlı ulduzun”