İbtida eyləyib girdim meydana,Şagirdlər ustadı görün handadıPünhani dərdlərim çoxdu canımdaDürrü gövhərlərim hələ kandadı.

Nazlı yar əlindən mən sinədağam,Sürəyya tək yatmamışam, oyağam,Şahindən ayığam, qazdan sayığam,Gözlərim gözləyir, sübhü dandadı.

Sana qurban olum, ya həzrət Əli,O nə ki buyurub, demişəm «bəli!»Yetim Qurbaninin fikri, xəyalı,Axır ki, mətləbi Pəri xandadı.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri