Sitəmlə ayrıldım ana vətəndən,Yarımın bağbansız bağları qaldı.Alagöz çiçəkli, tər şəmaməliBostan sinəsinin tağları qaldı.

Köç-köç oldu, karvan yola düzüldü,Yarın gözlərindən qan-yaş süzüldü,Aman, dostlar, əlim yardan üzüldü,Düşmənin sinəmdə dağları qaldı.

Artıb Qurbaninin dərdi, qübarı,Başının sevdası, dil ahü zarı.Baxmaqdan gözləri vətənə sarıƏridi qarası, ağları qaldı.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq