Yığıblar üzümüzü
Çingiz Əlioğlu və Nüsrət Kəsəmənliyə
Qaymaq bağlayan kimiYığıblar üzümüzü.Alıblar ağlımızı,Sıxıblar gücümüzü...Boynu bükük durmuşuqBiz tarix qarşısındı.Deyib: gülmə toyunda,Yaş axıtma yasında!..Düşmənə heykəl qoyubBaşına and içdirib.Məni qıl körpüsündənBu dünyada keçdirib.Qolumda qanlı qandal,Başımda tərs dəyirman.Vermişəm açıq əldən,Ayıq başdan imtahan.Tarixin haqsızlığı,Sayımmı, saya gəlməz!Xoş günümdən mey dadanDar gündə haya gəlməz.
Çəməndə boy göstəribTəzədən dirçəlirik.Aç qapını, ey zaman,İmtahana gəlirik!..
Ah dostlarım, alnındanGünəş doğan, ay doğan.Ah dostlarım, səhvləriDüzəltməyə darıxan.Başının üzərindəVicdanı bayraq olan,Eldən kömək ummayan,Elinə dayaq olan.
Gül üzlü, gülşən üzlüŞəhidləri dirildən.Bizim də taleyimizYazılıb irəlidən.
Bilmirəm nə vaxt gələrSon imtahan, son sınaq –Taleyin şirin payı:"Ya ölümə boyun əy,Ya özün ol!" harayı.Tərəddüdsüz, qorxusuzHökmümüzü verən anDeyərik, haydı, dostlar,Qurban gedən qaymaqdı,Satılıb qalan ayran!..
1.II.1983
Kitabxana.az · https://kitabxana.az/works/sabir-rustemxanli-yigiblar-uzumuzu
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Çox çalışdım, mətləbimə çatmadımArzu mənim canda qaldı, hay mədəd
HarasındadırTərlan quşum itirmişəm, araram,Görüm bu dağların harasındadır
Leyli və Məcnun, fəsil 11Bu söz incisini düzən zaman mən,Böylə danışmışdı bu nəqli deyən:
Deyişmə: Səndən bir xəbər alım, a Xəstə Qasım— Ləzgi Əhməd:Səndən bir xəbər alım, a Xəstə Qasım,