Kim deyir mən bu vətən mülkünə mehman kimiyəm?Yox, bahar ömrümüzün can evinə can kimiyəm.

Toqquşur göydə buludlarla şeir dalğalarım,Şairəm, sanki bu qəlbimlə bir ümman kimiyəm.

Birdir hər yerdə mənə həm aşağı, həm yuxarı,Yox təkəbbürlə işim, sadə bir insan kimiyəm.

Gəzirəm əldə qələm şerimizin bağlarını,Qoymaram bassın alaq bağları, bağban kimiyəm

Keçmədim köhnəliyin baş qapısından içəri,Yeni şerin, yeni taxtında Süleyman kimiyəm.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar