Təbiətin ətri
Günəşdən tez oyanıb gəzirəm öz bağımda,Nələr, nələr bitməyir bu ana torpağımda!Ağaclar min dil töküb sanki mənə gəl, deyir,Gəl, gəl, olmasın bizə ot-alaq əngəl, deyir.
Parlayır incələrtək şeh çiçəklərin üstdə,Deyirəm ki, tapılmaz bir bağban mən həvəsdə.Əkdiyim hər fidançın gedib əldən, ayaqdan,Canını bağ-bostanın qurtarıram alaqdan.Qarşılayıb əməklə gələn xoş baharı mən.Suvarıram həvəslə körpə ağacları mən.Gözəl bir vərdiş hanı mənim bu vərdişimdən,Arada yorulantək ayrılaram işimdən,Oturub bir daş üstdə nəfəs alıram dərin,Gəlir əlimdən ətri otların, çiçəklərin!..
Kitabxana.az · https://kitabxana.az/works/suleyman-rustem-tebietin-etri
← → düymələri ilə keçid, R — təsadüfi şeir
Müəllifin digər əsərləri
Bu həyat kitabımın artdıqca varaqlarıÖmrümün ağacından yarpaqlar bir-bir düşür.
Bahar rəqsiLənkərandayıq, Lənkərandayıq,Həyəcandayıq, həyəcandayıq.
Səni sevərdimBakı göylərində gözəl bir axşamTapdı ulduzunu mənim ulduzum.
Adını saxlaHəyat yollarında, könül, həmişə,Yadında müqəddəs andını saxla.