Oğrun yollara baxmaqdan,Bağrım qan oldu, gəlmədi.Ağlamaqdan eynim yaşı,Bir ümman oldu, gəlmədi.

Mənim yarım boyu bəstə,Dərdindən olmuşam xəstə,Gözüm qalıbdı yol üstə,Yenə dan oldu, gəlmədi.

Dağların qarı söküldü,Axdı, çaylara töküldü,Abbas deyər, bel büküldü,Qədd kaman oldu, gəlmədi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri