Məni hicran qəminə saldı o məhparə yenə
Məni hicran qəminə saldı o məhparə yenə,Zülfü tək eylədi aydın günümü qarə yenə.
Xoş o günlər, sənə vəslində deyərdim dərdim,İndi hicrin deyirəm hər dərü divarə yenə.
Bir vurub sinəmə müjgan oxunu getmiş idi,Fikri var, bir də edə, könlümü sədparə yenə.
Nəqdi can əldə tutar kim ki, xiridarı ola,Yusifi gər çəkələr səhneyi-bazarə yenə.
Kəndumi-xalini könlüm quşuna göstərdi,Edəcəkdir məni-biçarəni avarə yenə.
Dün eşitdim səni, əğyar ilə həmsöhbətsən,Vədeyi-vəsl veribsən, gülüm, əğyarə yenə.
Xəstə bülbül kimi, Vahid, işim əfğan oldu,O gül həmdəm olubdur, dedilər xarə yenə.
Kitabxana.az · https://kitabxana.az/works/vahid-meni-hicran-qemine-saldi-o-mehpare-yene
← → düymələri ilə keçid, R — təsadüfi şeir
Müəllifin digər əsərləri
Mən də, ay can, nə qədər yatsa müsəlman, yatıram,Məni dindirmə, qoy asudə, ay oğlan, yatıram.
QoçuBir qoçuydum, çoxdu qabaq hörmətim,Xalqı döyüb, söymək idi sənətim,
Dövran bizim olduMahi-rəmazandır, yenə dövran bizim oldu,Yüz yerdə yenə vədeyi-ehsan bizim oldu.
Acı gülüşlərBu mollanın qəribə təqvası var,Hansı güruhun belə mollası var?!
Başqa şairlərin şeirləri · Hicran
Gərçi yüz min aləm içrə var yarından cüda,Heç kəs mən tək deyil pərvərdigarından cüda.
Yar bizim ilə yenə gör ki, ne al eylədiYar bizim ilə yenə gör ki, ne al eylədi,Ta ki, yaşım qan ola, yanağın al eylədi.
Yarəb, nə nur imiş ki, məni yaxdı narınaYarəb, nə nur imiş ki, məni yaxdı narına,Yarəb, nə zat imiş ki, məni çəkdi darına?
BilürmiƏrz-i halım qasid söylə dilbərə,Gör ki mənim ah-ü zarım bilürmi.