Sənin gözəlliyin, ey gül, bütün məlahətdir
Sənin gözəlliyin, ey gül, bütün məlahətdir,Bu hüsn səndə ikən ən böyük səadətdir.
Rəqibə gözlərinin mail olduğun bilirəm,Mən arifəm, bir işarə mənə kifayətdir.
Qaşın, gözün, yerişin, kirpiyin, iki zülfün,Nə fitnədir bu yığıbsan, məgər qiyamətdir?
Heyf ki, qiymətini bilmədin, yanır ürəyim,Gözəl ki, bilmədi öz qiymətin, cinayətdir.
Deyim ki, gülmə, danışma, rəqibə naz etmə,Necə deyim, gözəlim, səndə gülmək adətdir.
Rəqibin aşiqisən, könlüm inciyib səndən,Gülündən ayrı salan bülbülü rəqabətdir.
Nə eybi var, yenə öz aşiqinlə gülsən əgər,Gülürsən özgələr ilə, bu ki xəyanətdir.
Şikayət eyləmə, Vahid, həmişə şükr eylə,Dayanmışıq, hələlik can ki var, səlamətdir.
Kitabxana.az · https://kitabxana.az/works/vahid-senin-gozelliyin-ey-gul-butun-melahetdir
← → düymələri ilə keçid, R — təsadüfi şeir
Müəllifin digər əsərləri
Bir nazənin bəyənmişəm, əsli qazaxlıdır,Hərdən gülümsəyirsə də, çox qaşqabaqlıdır.
Bilməm, bu nazənin kimin istəkli yarıdır?Bilməm, bu nazənin kimin istəkli yarıdır?Ya hansı bəxtiyarların bəxtiyarıdır!
Uyma, ey könlüm, vüsali-yarə, hicran yaxşıdırUyma, ey könlüm, vüsali-yarə, hicran yaxşıdır,Naz edincə aşiqə zülm etsə canan, yaxşıdır.
Bir nəfər əhli-vəfa min bivəfadən yaxşıdır!Bir nəfər əhli-vəfa min bivəfadən yaxşıdır!Bir sədaqət əhli min əhli-riyadən yaxşıdır!
Başqa şairlərin şeirləri · Eşq
“O mələkzadətıi mütləq sevirəm”.*Xalidbəy Səbribəyzadə**
Qayıt indiSərsəri pərişlüm, qıyqac baxışlumMən sənə nə dedim, qız, qayıt indi
Dəyən bülbül pərinə daima gülzarsız qalsınDəyən bülbül pərinə daima gülzarsız qalsın,Salan aşiqləri pərgardən pərgarsız qalsın.
TillərinA sevdiyim, bizə doğru qədəm bas,Gözləyə-gözləyə qaldım yolların.