Mehri-ünqasını qıl, kuhi-vəfadən xali,Kəbəyi-məqsədin et, səyü səfadən xali.

Talib ol zülmətə, xurşididən ikrah eylə,Kəndini şəbpərə tək eylə ziyadən xali.

Hər bina eyləsən icad cahan mülkündə,Qılma məkkarəliyi heç o binadən xali.

Sərf qıl ömrünü zillətlərə rahət yaşama,Olmasın mərd gərək dərdü bəladən xali.Elmi gər Çində də vacib buyurub peyğəmbər,Getmə ardınca, deyil elm xətadən xali.

Çeşmi-suzəndən əgər naqəyə yol mümkündür,Kim deyər, olmaya zöhd əhli riyadən xali.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hikmət və nəsihət