Soruşursan hardayam?Burda, burda, burdayam,Əslində Allah bilir,Harda, harda, hardayam.

Soruşursan necəyəm?Nə aqil, nə dəliyəm,Necə görmək istəsən,Qardaş, elə eləyəm...

Yenə də əvvəlkitəkBir qələməm, bir özüm,Nə göylərdə, nə yerdəYenə də keçmir sözüm.

O bağdakı xan söyüdBudaqlarını əyib,Gözlərim tez-tez dolur,Bəlkə mənə göz dəyib,

Huşum korlanıb bir az,İçməsəm də bir qram,Yaddaşımın içindəGizlənpaç oynayıram.

Bir az ümid içində,Bir qədər qorxuluyam,Bu qorxunun ucundan,Bir qədər yuxuluyam...1996

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri